wammer g'sund is, is mer reich

Wammer recht viel Hutzle derre,
kann 's im Winter luschdich werre.
Hot mer dann noch Kraut im Stenner
un aach Bohne, wird 's noch schenner.

Owwe hängt de Quetschesack,
unne leit die Wutz im Lack.
Hot mer ebbes in de Häwwe,
is mer reich un kann was gewwe.

Wanner aach net alles kriehn,
was ner wollen, was ner siehn,
sin zefridde, merkens eich:
Wammer g'sund is, is mer reich!