(von Marnheim)

Mer werd's im Herz ganz warem
's wohr, ich mach kee Kräm.
Mei Määdche is vun Marem
am Dunnerschberg deheem.

Do hot's die rote Äcker,
im Summer goldni Frucht.
So sin halt die Geschmäcker.
ich hab mer's dort gesucht.

Es kann so goldich lache
un macht mer nie Verdruss,
un helft mer alles mache,
vum Aafang bis zum Schluss.

Un dovun werd ganz warem
mei Herz, im diefschde Grund.
Mei Määdche dort vun Marem,
des war mein beschder Fund.