Pälzer Leit sin demogradisch,
uffgeschlosse un symbadisch,
schätzen Frohsinn, Sunneschei,
wohri Freindschaft, Pälzer Wei,
Luscht un Lewe, Licht un Schatte,
Pälzer Koscht un Schlachtfeschtplatte.
Wannern viel un singen als
un sie hängen an de Palz.

Pälzer sin padente Leit,
sin korrekt un hilfsbereit,
singen gern, des kann mer here,
un sie duhn die Häämet ehre,
froon um Rot fascht jedermann
un machen was se wollen dann.

Doch Gott sei Dank, des is gewiß,
sie machen nor was richtlich is!

Ich hab feschtgeschdellt: Die Pälzer singen gern,
trinken gern eener, lachen viel, verzehlen gude
Witz, un wannern for ehr Lewe gern.

Sie wissen:
Das Wandern schenkt uns Freud und Glück
Un jetzt noch mei Frooch:
Warener schun in Falkestee?