speyerer brezle

Wer werd dann schun die Brezelfraa
mirm Brezelkorb vergesse?
E Brezel schmeckt eem alle Daa,
die kann mer immer esse.

E Brezel is e scheenes Bild.
die duht keem Mensch was schade.
Die Bäcker hängen oft als Schild
e Brezel vor ehrn Lade.

Un wann mer dorch die Stroße laaft
un sieht die scheene Dinger,
dann werd aach gleich e Brezel kaaft,
mer nemmt se in die Finger.

Mer esst se gern im ganze Land,
e Brezel is net deier.
Die Brezle, die sin weltbekannt,
wie's Brezelfescht in Speyer.