Zum Dorf rei fahrcn schwer belad'ne Wäche,
im Gaarde blieh'n die Dahlie, rot wie Blut.
Mer sieht viel Leit mit volle Kuchebleche,
de Pälzer Qetschekuche schmeckt so gut.

Un Korn un Wääz wern in die Miehl gebrunge,
es ausgereifte Obst, des traat mer heem.
Dann werd de Kerweschdrauß drei Dag geschwunge.
's leicht bloo un gold un hellgääl aus de Bääm.

Die Vöchel zieh´n in Schare no de Alwe,
for bunte Drache woll´n die Kinner Geld.
Die Störch fliehn fort un ball geh'n aach die Schwalwe.
De Wind peift iwwers kahle Stobbelfeld.