Ich frä mich uff die Metzelsupp
un uff die Leit in unsre Schdub,
dann morje werd die Wutz
verworschdelt rutz un butz.

Ich frä mich aach uffs Schwänzche schunn,
un wann die Worschd werd abgebunn,
un wann de Schpeck werd klee geschnitt,
warum, ich mach bei allem mit.

Ich frä mich wie en Millionär!
Ach wanns doch bloß schun morje wär,
un 's Wellfläsch det schun dambe
vum Schnissche un vum Wambe.