pälzisch gelebt

Uff jedem Disch in unsrer Palz
schdeht Kimmel, Peffer, Wei un Salz
un Brot, des gebt e Bärekraft,
wer des mit Worschd enunner schafft.

Die Zwiwel aus de Pälzer Kich
is aach gesund, des sin kee Schprich.
Gemischd mit gudem Brodworschdsduft
entschdeht die werzich Pälzer Luft.

Nadürlich gebts aach oft Salat
mit Schnittlaach, Porree un Muskat.
Schdell bloß dezu e Kotlett hie,
do kannschde uns achiele sieh.

Selbschd Meerrettich verschafft Genuss,
weil mer uff den was trinke muss.
Un die Moral vum Ganze ewe:
Wer Pälzisch lebt, hot mee vum Lewe.