musikante

An de Ecke uff de Schdrooße
dun vier Musikante bloose:
Erschd en Walzer, dann e Lied,
dann en Marsch, die wern ned mied.

Uffgemacht wern alle Deere,
dass mers aach genaa kann heere.
Blechmusik - Tenor un Bass –
macht de alde Leitcher Schpass.

Un die Anna mit em Balzer
danzt trotz achtzich noch en Walzer
un sie werft ehr ledschdes Gut
in dem Musiker sein Hut.

An de Ecke uff de Schdrooße
dun vier Musikante bloose
un mit ehre Blechmusik
bringen se viel Frääd un Glick.