mai

De Borm riecht so werzich, es blieht immer mee,
die Sunn scheint so freindlich, es Land is so schee.
Die Wiss steht voll Blume, die Felder sin grie,
die Soot wachst so prächtich, mer kann 's förmlich sieh.

Was duften die Bliete, die Nachtigall singt,
wann bloß die "Kalt Sophie" keen Schade mee bringt.
Die Schmedderling schaukeln, de Storch richt sei Nescht,
es trillert un trällert un singt in de Äscht.

Jetzt wannert sich 's herrlich, die Wälder sin groß,
es Herz schlaat eem höher, die Feschte geh'n los.
Die Welt is voll Hoffnung, voll Lieb un voll Licht,
de Himmel strahlt selbscht iwwers ganze Gesicht.