Hortich un dabber die Quetsche geernt
eh se vum Rege verschlaa,
hemmer for Ladwerg die Quetsche gekernt
winken uns luschdiche Daa.

Schdeesel un Kessel un Häwe gericht,
Zucker un Zimmet debei,
jedermann is schun uffs Riehre verpicht
quallert im Kessel de Brei.

Lieder erschalle un Witz wern gemacht,
Schprüch wern gekloppt wie noch nie,
Ladwerjekoche uff pälzisch betracht
hunnertprozentich haat hie.

Wammer de Schdeesel ned riehre me kann,
macht mer e Quetschekuchepaus
un mit em Ladwerjeläderche dann
holt mer de Ladwerg eraus.