Heit wern Pälzer Schpäss gemacht,
heit uff unsrer Kerwe
werd gehupst un werd gelacht,
do dra duschd ned schderwe.
Eh ich mich mit Kummer queel
werd die Kerb genoss',
Pälzer Kerb, mei Herz un Seel
is in dich verschoss'.

Heit wern Pälzer Brotwerschd gess',
Lewerknöpp un Schinke,
hortich, dapper unnerdess'
dun mer aach was trinke.
Pälzer Kerb no mei'm Geschmack
häßt sich orndlich nee . . .
Schperr die Sorge in de Sack,
danz un lach, juchee!