Witzich un galant un forsch
sin die Pälzer Kerweborsch,
ziehn im Dorf vun Haus zu Haus,
schwenken froh de Kerweschdrauß,
suchen no de Kerweflasch
un hän Geld in jedre Dasch.

Un des lockt die Mädcher aa',
uhne Geld do grieschde kaa,
awer so e Gudselherz
for de Borsch ehr Geld zum Scherz
hän die Mädcher gern geschenkt,
dass 'n aa die Kerb gedenkt.

Jeder Borsch hot eigne Kniff
un do werd halt zugegriff.
Uff de Kerb is alles recht,
hauptsach is, die Lieb is echt.
Un was sunschd noch werd gemach
is de Määd un Borsch ehr Sach.