Ich hab gehört, de Nikolaus,
der kääm jetzt ball in jedes
Haus und deet eich ebbes Scheenes bringe.
Ehr Kinner, lernen fleißich singe
un bleiwen immer brav un gut,
weil er des eich belohne duht.

Es wär en aarich guter Mann,
er wisst aach gleich wer ebbes kann
un hätt e dickes Buch debei,
wu alles drinsteht Reih' for Reih'
vun alle Kinner, glaawen's noor,
was ich eich saa is alles wohr.

Mer is jo froh um jedes Plätzche
un denken aach an eier Kätzche,
des deet aach gern e W erschtel esse,
de Nikolaus werd's net vergesse.
Wann noch was fehlt, ich hoff im Stille,
er werd eich eiern Wunsch erfille.