ich bleib deheem

Kannscht uff de ganze Welt rumlaafe,
kannscht daalang fahre kreiz un quer,
findscht nor ee Palz, ee Ludwigshafe,
am Rhei nadierlich, net am Meer.

Un wollt mer eens zeh Schlösser schenke,
mit scheene Gäärde drumerum,
misst ich doch an mei Häämet denke;
ich glaab, es Heemweh breecht mich um.

In unsere Palz do kann mer lache,
deheem do is mer aach geschätzt.
Was wollt ich dann wu annerscht mache,
wu keens kee Wörtche pälzisch schwätzt.

Adschee, ich loss die annere fahre
wuhie se woll'n. ich wääß mei Ziel.
Die Reisekoschte kann ich spare,
ich lieb mei Häämet viel zu viel.