Humor muß mer hawwe

Humor muß mer hawwe,
do hot mer aach Glick,
do kummt mer gut vorwärts
un macht net zurick.
Humorvolle Mensche
hän immer en Rot,
solang mer Humor hot,
bleibt alles im Lot.

Humor muß mer hawwe,
was nitzt´s wann mer schelt?
En Mensch wu Humor hot,
der baßt in die Welt.
Un wann mer mit Frohsinn
sei Sache noch macht,
geht alles viel leichter
un´s wird mee gelacht.

Humor muß mer hawwe,
do bleibt mer in Schwung,
egal was for Alter,
do fiehlt mer sich jung,
der halt eem lewendich,
des kann mer versteh,
mer fräät sich, is glicklich
un bleibt uff de Heh.