glick und friede

Was ich uns winsch, ich will 's eich saa,
Gott soll die Welt behiete.
Meer wollen unser Schicksal traa
als Mensch in Ruh un Friede.

Wer Friede will un glaabt an Gott,
der acht aach sei Gebot
un der wu Glick im Lewe hot,
helf annere aus de Not.

Die Welt is doch so wunnerschee,
so groß, so reich un rund
un lewenswert. Was will mer mee?
Zum Streite is keen Grund.

Der eene, der hot Wei un Niss,
de annere Wääz un Stahl.
Mer planzt, wu was zu planze is.
jed Land no seinere Wahl.

's hängt jeder an seim Häämetort,
weil des sei Glick bedeit.
Drum winsch ich Friede do un dort
un eich e scheeni Zeit.