For's neie Johr duhn alle Glocke laite.
Mer schießt, gießt Blei, des soll uns Glick bedeite.
"Prost Neijohr" schallt's un hallt's dorch alle Strooße.
Vum Kerchturm hört mer die Posaune bloose.

Es knackt un klirrt de Froscht an Fenschdere un Deere.
Die Heilige Drei Könige kann mer singe höre.
Mer sieht vun Hase, Reh un Füchs die Spure.
Die Fasnachtsnarre richten die Mundure.

Es schneit, de Sunn ehr Stunne kann mer zähle.
Do derf de Glühwei, wu eem wärmt, net fehle.
De "Jäger aus KurpfaIz" kummt froh geritte,
un luschdich fahrt mer Schlittschuh, Schie un Schlitte.