Noch net emol e Bettche
hot's Jesuskind gehatt.
's war nor e Futterkrippche,
weit drauße vor de Stadt.
E Eselche hot's aagehaucht,
weil so e Kind die Wärm doch braucht.
Des gute Dier hot's mitgefiehlt
un bot es Stroh for's beigewiehlt.

Mer kann sich sicher denke,
bei all dem diefe Schmerz,
wie's dere arme Mutter
im Stall do war ums Herz.
En kahle Stall, sunscht war nix do
wie druckenes Hai und derres Stroh.
De Joseph, der hot fascht gegreint.
Un bletzlich hot en Stern gescheint.

Des Bild war zum Erbarme
in dere arme Hitt.
Uff eemol kummen Hirte,
un jeder bringt was mit.
Sie fallen dankbar uff die Knie
un gucken uff des Krippche hie
un hän gesaat, un des is wohr:
Des Kind is for uns all gebor.