Mer sin halt echte Pälzer
un sin mit Herz un Hand
verworzelt un verwachse
mit unserm Pälzer Land.

Mer sin halt echte Pälzer
un schwören uff die Palz
un feiern Pälzer Fesche
mit Rewesaft un Malz.

Mer sin halt echte Pälzer
un ned bloß noogemacht,
des merkt mer schun am Redde
un wie mer trinkt un lacht.

Mer sin halt echte Pälzer
do kummt so leicht keens mit,
un echte Pälzer halten
zusamme feschd wie Kitt.

Mer sin halt echte Pälzer
vum Wesdrich bis zur Haardt,
die Pälzer sin sich eenich,
dann des is Pälzer Art.

Mer sin halt echte Pälzer
un lewen aach denoo,
wer uns des will vergönne
den schlaan mer grie un bloo.