De Herbschd is do, es Laab werd gehl
un mahnt zum Üwerlee . . .
Die Ernt is hin, aus Korn werd Mehl
so weiß un zart wie Schnee.

De Sege bot sich dorchgesetzt,
de Bauer hot geschafft
un hot sich arich abgehetzt
im Feld mit zäher Kraft.

Un wer des schätzt, der esst kee Brot
bevor er des gedankt.
Mer wissen, was es häßt, wann Not
ehr Attribut verlangt.

De Herbschd is do, es Laab werd gehl
un mahnt zum Üwerlee . . .
Die Ernt is hin, aus Korn werd Mehl
so weiß un zart wie Schnee.

De Sege werd ins Mehl gemahl,
un Mehl gebt unser Brot . . .
Die Müh vum Bauer, Sorg un Qual
erschpart uns so die Not.

Er hot sich arich abgehetzt
dorchs Johr mit zäher Kraft.
De Sege hot sich dorchgesetzt
de Bauer hots geschafft.