die friesnemer eile

Vor etliche Johre
do hot in de Nacht
de Bittel vun Friesnem
sei Runde gemacht.

Do sieht 'r am Kerchturm
im Dunkle zwää Funke.
Vor Schreck hot 'r erscht
emol eener getrunke.

Dann blost 'r ins Horn nei,
ruft : Feieralarm!
Un greischt dorch die Stroße:
Es brennt, Gott erbarm.

0 heiliger Florian,
die Hebamm, sie bet,
bewahr uns vor Feier,
vor Schrecke un Nöt.

Bewahr uns vor Feier,
du werscht uns jo kenne,
wann 's sei muss, dann losses
im Nochbershaus brenne.

Die Eemer, die rabbeln,
die Feierwehr rennt.
Die Leit greischen mordjee
vor Ängschte, es brennt.

Wu brenntsen? So rufen
se laut in de Not.
Am Kerchturm, im Fenschder
leicht's owwe so rot.

De Helm uff, ehr Männer,
un los geht's im Sturm.
Die Feierwehr spritzt
was se kann uff de Turm.

Wie 's Wasser ans Sims kummt,
e Eil flieht heraus,
die Eil war verschwunne
un 's Feier war aus.

Jetzt hän ses begriffe
was los war, die Leit,
drum häßen die Friesnemer
"die Eile" noch heit,