Ich spier 's in de Knoche.
de Friehling is do,
es Eis is gebroche,
die Mensche sin froh.
Schagrille verfliehe,
die ferchten es Licht,
die Welt grieht dorch 's Bliehe
e neis Gesicht.

Ball kann mer sich sunne,
die Sunn duht uns gut,
do häälen die Schrunne,
des gäbt neie Mut.
Mit föhliche Aage
werd 's besser gemacht,
je schenner die Daage,
desdo mee werd gelacht.

Ich spier 's aach im Herze,
de Friehling is do,
de Druck un die Schmerze
sin endlich verfloh'.
Was geschdern entsetzlich
mich noch hot geschdeert,
des klabbt heit ganz bletzlich
un laaft wie geschmeert.