Mer hän dehääm en Brallneekaschde,
so groß ball wie e Wacherad
mit seidene Bännel dra un Quaschde,
do schdaunt mer, 's is en wahre Schdaat.

Er is aach, um zu renomiere
in unser gudi Stubb nei kumm.
E jeder will drin rumbuschiere
un gruuschdelt in dem Kaschde rum.

So oft mern uffmacht, muss mer staune,
do schiddeln alle Leit die Kebb,
dann ´s leihn do drin so scheene, braune,
verroschdne Schnalle, Neez un Knebb.