Was wär die Welt dann uhne Derkem?
Was deet mern mache uhne Wei?
Des wär jo garnet auszudenke,
so arm kann doch die Welt net sei.

In Derkem hot's die g'sunde Quelle,
es Kurhaus un die Salzsalin,
de Worschtmark un die Winzerkeller
un's Fass, wu mer die Schobbe griehn.

Un runderum do wachsen Rewe,
vum Haardtrand bis zum Almesee.
Die Limburg is die Kron vum Ganze,
de Pälzer Wald is in de Neeh.

Do kann mer bade, wannre, kure,
in Derkem geht mer mit de Zeit.
Do blieht die Kunscht un's Pälzer Lewe,
die Frääd un die Gemiedlichkeit.