Ich frää mich uff die Metzelsubb
un uff die Leit in uns're Stubb,
dann morje werd die Wutz
verworschdelt rutz un hutz.

Ich frää mich aach uff 's Quellflääsch schun
un wann die Worschd werd ahgebunn
un wann de Speck werd klee geschnitt,
do bin ich do, do mach ich mit.

lch frää mich wie en Millionär!
Ach, wann 's doch bloß schun morje wär
un ´s Quellflääsch deet schun dambe
vum Schnissche un vum Wambe.